diliman walking: in lower cases


diliman. naisip ko lang: nais kong idokumento ang aking pananatili dito sa up diliman. mayroon akong tatlong taon dito. sayang kung hindi ko maisatitik ang aking pang-araw-araw na karanasan sa loob at labas ng kampus (na iba sa bayang aking pinanggalingan). hinahabol ko na ang aking memorya. hala nang sapat na asukal sa aking isipan para maipreserba ang nangyari at mangyayari pa sa aking pananatili. ito ang naisip kong paraan.

walking. halos araw-araw ko itong ginagawa sa academic oval. katumbas ng tagaktak ng pawis ang paglaglag ng lebel ng asukal sa aking katawan. survival. parehong pisikal at intelektwal. sa ginagawa kong paglalakad nabubuo ang mga idea, nagkakahugis ang mga puna at nabibigyang buhay ko ang aking karanasan.